कविता
==========
प्रेमको परीक्षा
– पञ्च विस्मृत

मुक्तक

दलवीर घायल

मुक्तक #बुढ्यौली
मात्रै रह्यो हाड छाला भन्न थाले आज
मुजै मुजा पर्‍यो गाला भन्न थाले आज
छैन शक्ति शरिरमा उमेर ढल्दै जाँदा
अब खै के गरी खाला भन्न थाले आज ।

मुक्तक #अनुत्तरित_प्रश्न
समय सँधै नै निष्ठुरी हुन्छ
थाहा छ त्यसैले मज्बुरी हुन्छ
तर यत्ति चैं बुझिंन कहिल्यै
किन हाँस्नु यहाँ जरुरी हुन्छ?

मुक्तक #निराशा
चाहना थ्यो लेखियोस ईतिहासमा हाम्रो कथा
फूल्नु थियो नेपालीको बिस्वासमा हाम्रो कथा
शंकाले घर जलेपछि परायले तेल हाल्न थाले
धुँवा बनि उडेको छ आकासमा हाम्रो कथा ।

मुक्तक :
=========
देशको अस्मिता लुट्नेहरु

- मधु माधुर्य

पुर्खाले ज्यान गुमाएर बचाएको देश
आधि खाएर सके
बाँकी सुम्पिदिने तयारीमा
निर्लज्ज नव लेन्डुपहरु
विविध स्वाँग गरिरहेछन् ...

सत्ता भए पुग्यो,
देशकोलागि माखो नमार्ने
सत्ता टिकाउनै परे, जनतालाई पनि मार्ने
हाम्रो देशमा यस्ता पनि "नेता"हरु छन् -
संबिधान बनाउन भत्ता दिँदा, "नेपालबन्द" भनी टार्ने

यो सबै भोग्नेहरू कुन अबस्थामा छन् आज ?
सुन्नेहरूलाई भने ऐठन हुने अबस्था छ ...

लघु लेख / चिन्तन
बदलिएको संसार र सम्बन्धहरु

डा. मधु माधुर्य

===================================================================================
.चाहेर / नचाहेर धेरै दृश्यहरु देख्नु पर्ने नियतिहरुको पुनरावृत्तिहरुमा यतिखेर प्लास्टिकको फूलमा झुक्किएको मौरी जस्तो भा'छु ....
====================================================================================

सम्झन्छु - मात्र दुइ दशक अघिको परिवेश र दृश्यहरु , तुलना गर्दा लाग्छ - यो अर्कै हो !
यहाँ परिवेश र सम्बन्धहरु बदलिएका छन् |