FREE NEPAL:Global Network of Nepali Literature

कविता

हतारले जीवन

“You see things;
and you say, ‘Why?'
But I dream things that never were;
and I say, ‘Why not?'”
– George Bernard Shaw

कविता
सपनीका आयामहरू

एक किसिमको सपना हुन्छ
जो मानिस देख्न चाहन्छ तर नदेखिन पनि सक्छ
जीवनमा अर्कोथरि सपना हुन्छ
जो नचाहेर पनि हेर्नुपर्ने हुन्छ

रातो घेरामा बन्द छन्
डिसेम्बर २०, २०२० र जनवरी ६, २०२१
क्यालेन्डरका २ दिन
र अरु पानाहरु फर्फर पल्टिरहेका छन् ...

कविता
' अन्तर्राष्ट्रिय छुट '

विश्व बजार कहाँ पुगिसक्यो
हामी भने जइँको तइँ
एकै विषयमा रट् लगाइरहेछौं
सेन्चुरी रेकर्ड ब्रेक गर्नुपर्ने झैँ ट्याँउ-ट्याँउ गर्दै..

बाबै
यो समय त
स्वाहातन्त्रको हो
लोकमा अलौकिक कार्य गरि
लागेको काम/कुरा गर्न बोल्न मज्जाले पाइने समय हो
अहँ मनगणन्ते होइन
गणागण गणतन्त्रको हो यो समय
यहाँ हरएक स्वतन्त्र छ
हर प्रकारको अधिकार प्रयोग गर्न
यसो भनौं छुट छ
अन्तर्राष्ट्रिय मान्यताको
जे होस्
हाम्रो अर्ग्यानिक मूल्यको अवमूल्यन हुनुहुन्न

कविता
"सुखले रमाऊॅ"

छन्द ----ईन्द्रब्रजा :
SSI SS IIS ISS
आएछ साथी ,नव बर्ष घुम्दै
ल्याएछ मीठो सपना समेट्दै
हावा र पानी कण बालुवामा
सॅसार सारा नव पालुवामा ।।

भागेर जाऊन् सब दु:ख दर्द
फैलेर आऊन् मन भित्र हर्ष
छायाॅ र माँया सब रूप नौलो
बिर्सन्न मैले घर गाउॅ मौलो ।।

यो जिन्दगीको नव गीत लेखूँ
सॅसार राम्रो सब प्रीत देखूँ
रोएर मात्रै अहॅ हुन्न हुन्न
बेकार , हाम्रो मन दुख्न हुन्न ।।