Poem

कविता:
हार्दिक श्रद्धान्जली
-- मधु माधुर्य

इतिहासमा विस्मृतिको पर्यायबनिसकेको
बेबिलोनको एकान्त बगैंचामा
सुनिरहेको छु म
क्रिष्टिनाको बिलौना र ईश्वरसंगको एकतर्फी वार्ता:

“एक निरिह जुलियाको अन्जानमा ज्यान गयो
प्रिय भ्यालेण्टाइनको निर्मम हत्यासँगै,
पाप वा पुण्य त मैले गरेकी थिएँ भ्यालेण्टाइनसँग ..
मैले किन सहनु पर्यो अन्तिम बियोग भ्यालेण्टाइनसँगको
र आज एक्ली एक्ली छु
कहिले देख्न / भेट्न पाउँछु म प्रिय भ्यालेन्टाइनलाई ?
हे ईश्वर ! मैले तिमी त्यतिको क्रुर छौ भनेर सोचेकी पनि थिईनँ…”

Poem "Beauty" by Dr. Madhu Madhurya

कविता
सौन्दर्य

- मधु माधुर्य

अस्तित्वमा देखिने कुनै कुरो -
सुन्दर
वा
सुवासयुक्त
देखेपछि
मान्छेभित्रको
जंगली भोक फेरी बिउँझन्छ
ऊ स्पर्श गर्न चाहन्छ
सुँघ्न
आसक्तिको आँधी
थाम्न नसकेर मान्छे
बहुलाउँछ:
चट्ट चुँडाल्छ
प्रदर्शन गर्दै
सभ्यताले छोपिएको
कायरता
जंगलीपन
निष्ठुरीपन
अमानवीयता ....!

Haiku हाइकु by Madhu Madhurya

हाइकु
- मधु माधुर्य

जस्ले जे गर
तैँ चुप मैं चुप छ
हाम्रो ने पा ल !

बिजुली आयो
तर्कारीवालीसँगै
छापा धपक्क

जलन कति
यो छातीभित्र मेरो
बुझ्ने को छ नी ?

मोती दाना रे
परेलीको ऑसु त
सित्तैमा लैजा...

हेर्दा हेर्दै त्यो
गर्ल्याम्म ढल्छ पारी
डाँडाको घाम...

नेतृत्व नयाँ :
'माछो माछो भ्यागुतो'
सतीको श्राप ?

Pages