Poem by Govardan Pooja

कविता

तिमी फलाम, म खिया

गोवर्धन पूजा

तिमी फलाम,
म खिया
हामी बीचको अटूट प्रेम
के थाहा यो दुनियाँलाई !

तिमीजस्तै बन्ने
मेरो असफल प्रयास
मजस्तै बन्ने
तिम्रो बिजय उत्सव !

ममा समाहित तिम्रो साधना...!

तिमी फलाम,
म खिया !

(२)
मुक्तक

दाना बदाम फोरीफोरी आधा खाने तिमी
मेराआँशु चोरीचोरी आधा लाने तिमी...
भाग लिई दुख जति सुख मलाई दिने
चिनें मैले तिम्रो माया बल्ल आज चिनें...

Quantum poem by Dr. Madhu Madhurya

क्वान्टम कविता :
==========

त्यो बस्ती...
- डा. मधु माधुर्य

मैले देखेका / नदेखेका बस्तीहरु छन्
मैले हिंडेका / नहिंडेका बाटाहरु छन्
सपनीमा देख्छु / विपनीमा देख्छु
तिनलाई -
र सम्झन्छु
मैले साक्षात्कार गरेको / नगरेको हरेक क्षणहरुलाई ...

कलिलो बिहानी घाम मनपर्छ
मलाई
साँझपूर्वको मन्द घाम मन पर्छ
रोकेर अपरान्ह वा साँझहरु
क्षितिजमाथि घाम थामिराख्न नसक्दा
बानी पर्दै गए रातहरु ....

Pages