FREE NEPAL:Global Network of Nepali Literature

कविता
"परदेश र परदेशी"

देख्दा सुन्दर , छुट्टाउन नसक्ने रात दिन
मानौ सदाबहार दिपावली मनाईरहने शहर
सोही सुन्दर शहरको
ठूलो वल्डिनको एक अपार्टमेन्टभित्रको
एक्लो जिन्दगी
छट्पटी रहेछ प्रीयजनको
बेगिन्ती याद बोकेर ।

लाग्छ ,
दर्दभरी कहानिले लेखिएको
किताबको सुन्दर गाता जस्तो
परदेशको जिन्दगी
फिस्स देखावटी
एक चिम्म्टी उधारो मुस्कान
अधरमा भर्दै
पठाउछ संदेश
आफू कुशलमङ्गल हुनुको,

कविता

"बदाम"

नीलो आकाश पछाडि देखिएको

त्यो मधुरो जून

तिमी हौ

जो सूर्यास्त पर्खिएर

अँधेरी रातलाई

रंगीन बनाउन कुरी बसेकी छौ

तिमीलाई भेटेदेखि

विद्यानाश,

मलाई घाम मन पर्न छोडेको छ

मलाई दिन मन पर्न छोडेको छ

म पनि रातको पर्खाइमा

बसिरहन्छु, बसिरहन्छु,

रंगीन बगैंचाभरि फुलेका फूलहरूमा

तिमी नै एक गुलाफ हौ

जो कॉडालाई साथमै लिएर बसेकी छौ

जसलाई, जहिले जहॉ सारे पनि सर्छौ,

मलाई

आफैलाई कॉडालाई घोचाउँदै

तिमीलाई स्पर्श गरेको दिनदेखि

कस्सम!

कविता

"बहुमूल्य चित्रपट"

पटक पटकका रुझाइहरू
पार गर्दै
निरन्तर हिँडिरह्यौ तिमी
आँसुका थोपाहरू बगे– अनन्त
पदचापहरू मेटिए– असङ्ख्य
ओर्लिएन पटक्वै जीवनको गति ।

बजाइरह्यौ सजीव धुनहरू
नाली पुछ्दै पसिनाका
ठोक्दै स्वाभिमानको घन
अविरल खनिरह्यौ
उन्मुक्तिको लामो डगर

कैयन् पटक गल्छेँडामा खस्दा
कसैले सोधेन तिम्रो लक्ष्य
कलिला ओठमा कलेटी पर्दा
कसैले सोधेन तिम्रो प्यास
छातीमा अनगिन्ती चोटहरू भरिँदा
कसैले लगाइदिएन मलमपट्टी

कविता

"प्रश्न"

अस्तित्व के का लागि
गन्तब्य के हो
अस्थिरता के का लागि
खोज के हो
विश्लेषण के हो, निष्कर्ष के हो
बिसर्जन के हो , उत्कर्ष के हो

जब सबै निष्कर्षहरू प्रश्नमा टुंगिन्छन्
तब सबै उत्तरहरू बेवारिसे बन्छन्
गहिराइमा डुबुल्की मार्दा मार्दै
अन्तहिन पिँधको खोजीमा अल्झिन्छ जिन्दगी।

सबै प्रश्न/उत्तर हरूलाई एउटै चितामा जलाइ दिऊँ जस्तो लाग्छ
तर ती धुँवाका बादलहरूलाई के गरूँ
भावनाका बोझहरूलाई के गरूँ
जिन्दगीले हिसाब माग्दा
कुन खातामा के चढाऊँ।

- रवि शाहु खल
हाल: अमेरिका